Ազգությամբ հայ ճարտարապետը Թուրքիայում զբաղվում է մզկիթների և այլ մուսուլմանական, ինչպես նաև քրիստոնեական կառույցների շինարարությամբ և վերականգնմամբ:
Գևորգ Օզքարագյոզը մզկիթների հայտնի ճարտարապետ է: Նրա գլխավորությամբ Թուրքիայի տարբեր հատվածներում մկզիթներ և ջեմևիներ (բեքթաշի ուղղության հետևորդների հավաքատեղիներ) են կառուցվել, տեղեկացնում է «Աքշամ» պարբերականը:
Գևորգը ծնվել է Մալաթիայում, սակայն 6 տարեկանում տեղափոխվել է Ստամբուլ, որտեղ էլ հետագայում ճարտարապետի կրթություն է ստացել:
Նա երկար տարիներ է, ինչ զբաղվում է մզկիթների շինարարությամբ:
Գևորգը նշում է, որ ինքը քրիստոնյա է, եկեղեցի է գնում, սակայն դա չի խանգարում իրեն մուսուլմանական կրոնական շինություններ կառուցել:
«Մեծ քաջություն է լինել ազգությամբ հայ և մզկիթներ նախագծել»,-թերթի հետ զրույցի ժամանակ նշել է Գևորգը, ով հավելել է, որ հաճույքով է անում իր աշխատանքը և հարգում է բոլոր կրոնները:
Նրա կառուցած վերջին մզկիթներից է Բալըքեսիր քաղաքի Փլևնե մզկիթը:
Գևորգը չի սահմանափակվւոմ միայն մզկիթների և ջեմևիների կառուցմամբ: Հայ ճարտարապետի գլխավորությամբ է 2000 թվականին վերանորոգվել Պոլսի Հայոց պատրիարքարանը, 2010 թվականին` Ստամբուլի Գումգափու թաղամասի Սուրբ Որդվոց Որոտման հայկական եկեղեցին:
Leave a Reply