Թուրքիայի գլխավոր խնդիրները` քաղաքացիների աչքերով. սոցհարցում

MAK Danışmanlık ընկերությունը ապրիլի 11-13-ը Թուրքիայի 81 նահանգներում 40 հազ.  մարդու շրջանում սոցհարցում է անցկացրել` պարզելու Թուրքիայի հիմնական խնդիրները:

«Ո՞րն է Թուրքիայի առաջնային խնդիրը» հարցին հարցվածների 29%-ը պատասխանել է գործազրկությունը, 21%-ը` կյանքի թանկությունը, իսկ 18%-ը` սիրիական խնդիրը:

Թուրքական Haberler.com-ի դիտարկմամբ` առաջին անգամ է, որ ահաբեկչության խնդիրը տեղ չի զբաղեցրել քաղաքացիների առաջնային մտահոգությունների թվում: Նրանք Թուրքիայի առաջին 5 կարևորագույն խնդիրների թվում չեն նշել ահաբեկչության խնդիրը: Իսկ հարցին, թե արդյոք կառավարությանը կհաջողվի լուծել ահաբեկչության խնդիրը, մասնակիցների 64%-ը դրական պատասխան է տվել:

Չնայած դրան` հարցվածների 11%-ը գլխավոր խնդիր է համարել Թուրքիայի ամբողջականության պահպանման հարցը:

Հարցման մասնակիցների 57%-ը կարծում է, որ նախագահական համակարգի անցումը օգտակար կլինի Թուրքիայի համար: Քաղաքացիների գնահատմամբ` ամենահաջող նախարարներն են ընտանիքի և սոցիալական հարցերի նախարար Ֆաթմա Շահինը և արտգործնախարար Ահմեդ Դավութօղլուն:

http://civilnet.am