Եթե անցյալ տարի երեք շրջան էր պահանջում, հիմա մեկով էլ է բավարարվում

Թուրքիան մինչև երեկ դեռևս կարծում էր, որ Հայաստանում միայն պարզամիտներ են իշխանության ղեկին:

Թուրքիան մինչև երեկ դեռևս կարծում էր, որ Հայաստանում միայն պարզամիտներ են իշխանության ղեկին: Գուցե նրանք այդպիսի տպավորություն ստացել են հայ-թուրքական արձանագրությունների ստորագրումից հետո:

Եթե նախկինում թուրքական մամուլը պարբերաբար տեղկություններ էր հաղորդում «վստահելի աղբյուրներից», որ եթե Հայաստանը և Լեռնային Ղարաբաղը Ադրբեջանին վերադարձնեն երեք ազատագրված շրջաններ, ապա անմիջապես կսկվի Հայաստան-Թուրքիա հարաբերությունների բարելավվման գործընթացը, ապա վերջին շրջանում իրադրությունը փոքր ինչ փոխվել է:

Այժմ Թուրքիան իր անուղղակի Հայաստանին մատուցվող պահանջների մեջ շատ «համեստ» է դարձել և հայ-թուրքական հարաբերությունների բարելավման համար որպես նախապայման բավարար է համարում անգամ մեկ ազատագրված շրջանի վերադարձը: Ինչպես տեղեկացնում է թուրքական Takvim պարբերականը, ԱՄՆ պետքարտուղար Ջոն Քերրիի հաճախակի այց Թուրքիա նպատակ ունի քննարկել ոչ միայն Սիրիայի և Իսրայելի հետ առնչվող թուրքական արտաքին քաղաքականության հարցերը, այլ նաև Հայաստան-Թուրքիա հարաբերությունները փակուղուց դուրս բերելու հնարավորությունները:

Թուրքական պարբերականը «վստահաբար» տեղեկացնում է, որ այս հարցում վարչապետ Էրդողանը և պետքարտուղար Քերրին համաձայնության են եկել, որ եթե Հայաստանը և Լեռնային Ղարաբաղն Ադրբեջանին վերադարձնեն գոնե մեկ ազատագրված շրջան, ապա Թուրքիան պատրաստ է սկսել Հայաստանի հետ հարաբերությունների բարելավման գործընթացը:

Տպավորություն է, որ Թուրքիայում կարծում են, թե Հայաստանում իշխանության ղեկին միայն «պարզամիտ վաշխառուներ» են, որոնց հետ կարելի է անգամ տարածքների վերադարձի սակարկություն անել: Երեկ՝ երեք շրջան, այսօր՝ մեկ շրջան:

Թուրքիայում և Ադրբեջանում դեռևս չեն գիտակցել, որ ազատագրված տարածքները Հայաստանի իշխանական էլիտայի սեփականությունը չեն և չեն կարող առ ու վաճառքի առարկա դառնալ ո’չ այսօր, ո’չ էլ վաղը:

http://www.armweeklynews.am/awn/m13/m_0227.htm