Աթաթիւրքը՝ Ցեղասպանութեան մասին

ՊՈԼԻՍ, «Մարմարա».- Թրքական «Ռատիքալ» թերթի աշխատակիցներէն Էօմեր Շահին երկուշաբթի, ապրիլ 28ին ստորագրած է յօդուած մը, ուր դիտել կու տայ, թէ քիչ բան տարածուած է այն մասին, թէ Աթաթիւրք ի՞նչ կը մտածէր «1915ին կատարուած տեղահանութեան ու հայերու վերապահուած ճակատագիրին մասին»։
Յօդուածագիրը կը գրէ, որ ամերիկացի ուսանող մը՝ Էտուըրտ Ռավնի, Փրակի մօտ Անգարայի դեսպանատուն դիմելով՝ կրցած էր քառորդ ժամուան ժամադրութիւն մը ապահովել Աթաթիւրքին հետ, սակայն տեսակցութիւնը ամբողջ ժամ մը տեւած էր։ Աթաթիւրք պատասխանած էր Ռավնիի բոլոր հարցումներուն՝ բացի մէկէն, որ կը վերաբերէր Հայոց Ցեղասպանութեան:

http://asbarez.com/arm/161145/