Միացյալ Նահանգների դատարանը որոշում է կայացրել մերժել ամերիկահայերի հայցը, որով վերջիններս փոխհատուցում էին պահանջում Թուրքիայից` իրենց նախնիների հողերի համար:
2010 թվականին երեք ամերիկահայեր դիմել էին Կալիֆորնիայի դատարան` հայց ներկայացնելով Թուրքիայի կառավարության, «Կենտրոնական» (Մերքեզ) և «Գյուղատնտեսական» (Զիրաաթ) բանկերի դեմ:
Վերջիններս պահանջում էին դրամական փոխհատուցում` Ադանայից ոչ հեռու գտնվող Ինջիրլիք կոչվող շրջանում ամերիկյան ռազմաբազա կառուցելու և տարածքն օգտագործելու համար: Ալեքս Բակալյանը, Անահիտ Հարությունյանն ու Ռիտա Մահտեսյանը թուրքական կողմից պահանջում էին 100 մլն դոլար փոխհատուցում:
Խոշոր ամերիկյան ռազմաբազայի տարածքը մինչ Հայոց ցեղասպանությունը պատկանել է Տիգրանին: Հողատարածքը Ցեղասպանության տարիներին անօրինական ձևով անցել է Թուրքիային, որն էլ հետագայում տարածքը վարձով տվել է Միացյալ Նահանգներին:
Կալիֆորնիայի դատարանը, որը վերջին 3 տարիների ընթացքում քննարկում էր ամերիկահայերի հայցը, մերժել է բավարարել այն` հիմնավորելով, թե «այն քաղաքական է և չի մտնում դատարանի իրավասությունների մեջ»:
Նշենք, որ վերջին շրջանում ամերիկյան դատարանը նույն պատճառաբանությամբ ևս մեկ հայց է մերժել, որը ներկայացված էր հայի կողմից:
Աղբյուր` Թուրքագիտական պորտալ
Leave a Reply