Թուրքիայի արտգործնախարարությունը անընդունելի է համարել Ֆրանսիայի կրթության նախարար Վինսենտ Փեյոնի՝ Հայոց ցեղասպանության տարելիցին նվիրված միջոցառման ընթացքում արած հայտարարությունը. տեղեկացնում է «Անադոլու» գործակալությունը։
«Հայաստանի զավակները, որ դարձել են Ֆրանսիայի զավակներ, հարստացրել են Ֆրանսիան՝ իրենց աշխատանքով և հանճարով: Նրանց հիշողությունը նաև մեր բոլորինս է, և մենք պետք է ապահովենք այդ հիշողության փոխանցումը գալիք սերունդներին, ինչում մեծ դեր ունի դպրոցն ու կրթական համակարգը»,- ընդգծել էր նախարարը:
Թուրքիայի արտգործնախարարությունն այս հայտարարությունն անընդունելի է համարել՝ պնդելով, որ ֆրանսիացի նախարարը փորձել է սևացնել իրենց պատմությունը և ատելություն սերմանել թուրքերի հանդեպ։
«Պատմությունն ու արդարություն հասկացությունը քաղաքականացնելը, հակասում է Ֆրանսիայի ժողովրդավարական կեցվածքին։ Նման հայտարարությունները վնաս են հասցնում թուրք-ֆրանսիական պատմական հարաբերություններին և բարեկամությանը»,- ասված է ԱԳՆ հայտարարության մեջ, որում նշվում է նաև, թե ցավալի է, որ նման հայտարարությունն անում է երկրի՝ կրթության ոլորտի բարձրագույն պաշտոնյան։
Թուրքիայի ԱԳՆ-ն դատապարտել է Ֆրանսիայի ԿԳ նախարարի՝ Ցեղասպանությանը նվիրված ելույթը
•
Leave a Reply