ԱՄՆ նախագահ Բարաք Օբաման, խոստումներին հակառակ, որոնք նա տվել էր մինչ Սպիտակ տուն գալը, Մեծ եղեռնի զոհերի հիշատակի առթիվ հայ ժողովրդին դիմելիս կրկին չի արտասանել «Ցեղասպանություն» բառը:
«Այսօր մենք հիշում ենք «Մեծ եղեռնի»՝ 20-րդ դարի ամենամեծ դաժանության մասին: Մենք հարգում ենք 1,5 մլն հայերի հիշատակը, որոնք գազանավարի սպանվել են Օսմանյան կայսրության մայրամուտին», – ասվում է Օբամայի հայտարարության մեջ:
«Հիշելով 98 տարի առաջ տեղի ունեցած ողբերգության զոհերին՝ մենք միանում ենք միլիոնավոր մարդկանց ամբողջ աշխարհում: Մենք պարտավոր ենք հիշել զոհերին` թույլ չտալու համար, որ նման բան կրկնվի ապագայում:
Չնայած այդ ողբերգությանը՝ ձեր հավատը, արիությունն ու ուժը թույլ տվեցին ձեզ վերապրել ու բարգավաճել՝ համայնքներ ստեղծելով աշխարհով մեկ: Չվարանելով դուք պահպանեցիք ձեր ժառանգությունը` փոխանցելով այն նոր սերունդներին: Ամերիկահայերը հսկայական ավանդ ունեն ԱՄՆ-ի զարգացման գործում, ինչպես նաև ժողովրդավարական, խաղաղ ու բարգավաճ Հայաստանի ստեղծման գործում: ԱՄՆ-ը հպարտանում է ձեր ավանդով և այն փաստով, թե ինչպես եք դուք հարգում նրանց հիշատակը, ովքեր զոհվել են գրեթե 100 տարի առաջ: Հիշատակի այս տխուր օրը մենք համերաշխություն ենք հայտնում հայ ժողովրդի հետ և հիշում ենք Մեծ եղեռնի մութ էջերը»,- ասվում է նախագահ Օբամայի ուղերձում:
Panarmenian.net
Leave a Reply