Երեկ Ծիծեռնակաբերդի բարձունք էին հասել ապրիլի 18-ից Լեռնային Ղարաբաղից ոտքով ճանապարհ ընկած 5 երիտասարդներ։
Օրական քայլել են 60 կլիոմետր, որպեսզի ապրիլի 24-ին լինեն Երեւանում եւ իրենց հարգանքի տուրքը մատուցեն Հայոց ցեղասպանության զոհերի հիշատակին։
Մարտակերտի շրջանի Գետավան գյուղից դուրս են եկել երեքով, իսկ արդեն Քարվաճառի Քնարավան գյուղից նրանց միացել են մյուսներըը։
6 օր շարունակ քայլել են, սակայն տղաները հոգնած չէին։ Նրանց չի խանգարել անգամ եղանակի մատուցած դժվարությունները։ Նույնիսկ այդ ցուրտ եղանակին նրանք շարունակել են իրենց ճանապարհը ու ոչ մի վայրկյան վայր չեն դրել Արցախի դրոշը: Նրանք` հինգն էլ, մասնագիտությամբ մանկավարժներ են:
Ծիծեռնակաբերդի բարձունքում HayNews.am–ի հետ զրույցում տղաները պատմեցին իրենց քայլերթից` նշելով, որ նման արշավը մեկ բան է նշանակում. իրենց հնարավորության սահմաններում հարգանքի տուրք մատուցել անմեղ զոհերի հիշատակին և միջազգային հանրությանը ցույց տալ, որ չեն մոռանա 1.5 հայերի սպանությունը:
Սերգեյ Եփրեմյանն, ով նաև պատմության ուսուցիչ է, նշեց. «Պատմության մեջ տեղի ունեցող ցանկացած դեպք պետք է դատապարտվի արժանագույն պատասխանատվության, քանի որ սա միայն հայերի խնդիրը չէ, այլև` աշխարհի»:
http://www.haynews.am/hy/1366815207
Leave a Reply