Թուրքիայում միայն ազգային հերոսների գերեզմաններն են այսպիսի հոգատարությամբ խնամվում ու պահպանվում, ինչպես պահպանվում է ցեղասպան Թալեաթի գերեզմանը` Ստամբուլում:
Հապա նայեք այս նկարին: Մի՞թե մահվան դատապարտված հանցագործին պետությունը կարող է այսպիսի պատվի արժանացնել: Այս գերեզմանը գտնվում է ոստիկանների մշտական հսկողության տակ, և անգամ դրա համար հատուկ հաստիքներ են պահում ոստիկանությունում 1943-ից այս կողմ` շուրջ յոթ տասնամյակ:
Թալեաթը տեղ ունի Շիշլիի քաղաքապետարանի Հանրապետության հերոսների պանթեոնում: Իսկ Թուրքիայի ԱԳՆ-ն ընդդեմ Հայոց ցեղասպանության 100-ամյակի «1915-ի դեպքերը» անունով 7 էջանոց զեկույց է պատրաստել անգլերեն ու թուրքերեն, որն ուղարկվել է արտերկրներում դեսպաններին և ոչ կառավարական կազմակերպություններին, հայտնում է թուրքական Star պարբերականը:
Զեկույցի հեղինակները փորձել են ներկայացնել Օսմանյան կայսրության հայ նշանավոր անձանց՝ փորձելով ցեղասպանությունը փոխարինել պարզ տեղահանությամբ: «29 ազգությամբ հայ ունեցել են բարձրագույն «փաշա» տիտղոսը, իսկ 22 հայ եղել են տարբեր նախարարությունների ղեկավարներ։ 1876-ի օսմանյան խորհրդարանում տեղ է զբաղեցրել 33 հայ։ Յոթ հայ զբաղեցրել է դեսպանի, 11 հայ՝ հյուպատոսի պաշտոն։ Ակադեմիական աշխարհում ազգությամբ հայ 11 պրոֆեսորներ են դասավանդել»,-ասվում է զեկույցում։
Հեղինակները մի շատ հետաքրքիր հարցադրում են արել զեկույցի մեջ, թե արդյոք հայերին վերացնել եւ կոտորել ցանկացող պետությունը կդատե՞ր հայերի նկատմամբ վատ վերաբերմունք ցուցաբերած թուրք պաշտոնյաներին:
Իսկ մենք հարց տանք Թուրքիայի ԱԳՆ-ին և հեղինականերին. «Իսկ ինչպե՞ս է ստացվում, որ ցեղասպանություն կատարած Թալեաթի գերեզմանը պետական ֆինասավորմամբ խնամվում և պահապանվում է, ինչպես Թուրքիայի Հանրապետության ազգային հերոսներինը:
Այդ ինչպե՞ս է պատահում, որ այդ գերեզմանին մշտապես ծաղիկներ են դրվում, և ոչ ոքի չի հաջողվել մինչ օրս տեսնել, թե ովքեր են այդ ծաղիկները դնում հանցագործի գերեզմանին:
Չէ՞ որ ծաղիկներն էլ են մշտապես թարմացվում պետական միջոցների հաշվին:
Թուրքիայի ԱԳՆ-ն և նրա նախարարը վարժվել են կեղծարարության մեջ:
Leave a Reply