Թուրքիայում Աթաթուրքի նկարով պաստառը գլխիվայր են կախել

«Doğan» լրատվական գործակալությունից Մեսութ Ըշըքը հաղորդում է, որ երեկ Թուրքիայում նշվող համազգային տոնի կապակցությամբ Քոջաելիի շրջանի Գեբզե քաղաքում Առևտրական պալատի շենքի վրա Աթաթուրքի հսկայական նկարով պաստառը գլխիվայր են կախել, ինչը առաջացրել է քաղաքացիների զայրույթը: Ճիշտ է, այս սխալը արագորեն շտկվել է, սակայն հնարավոր չի եղել խուսափել դրա լուսաբանումից:
Գեբզեի Առևտրական պալատի նախագահ Նայիլ Չիլերը նշել է, որ իրենք շատ վշտացած են տեղի ունեցածի պատճառով. «Մենք շատ վշտացած ենք, քանի որ չուզենալով մեծ սխալ է տեղի ունեցել: Երբ նկատվեց այս սխալմունքը, այն անմիջապես ուղղվեց, սակայն շատերը հասցրեցին լուսանկարել այն»,-նշել է Չիլերը:

http://ankakh.com/2013/04/309848/