Բեյրութում Հայոց ցեղասպանության 98-րդ տարելիցի կապակցությամբ հաջորդ շաբաթ երթ է կազմակերպվելու: Այս մասին տեղեկացնում է «The Daily Star» պարբերականը:
«Այս երթի նպատակն է միջազգային ֆորումներում մերժել Թուրքիայի հերքման քաղաքականությունը և արդարություն պահանջել: Ինչպես նաև` անհրաժեշտ քայլեր իրականացնել` մարդկային և հոգեբանական կորուստների համար հայերին փոխհատուցելու ուղղությամբ», – հայտարարել է երթը կազմակերպող հանձնաժողովը:
Հավաքը կսկսվի ապրիլի 24-ին` Անթիլիասի Հայ Առաքելական Եկեղեցում, որտեղ ցեղասպանության զոհերի համար կաղոթեն, և ծաղկեպսակ կտեղադրվի դամբարանի այգում:
Իսկ երթը կսկսվի կեսօրին` Բուրջ Համուդի քաղաքապետարանի հրապարակից, և այն կավարտվի Բեյրութում գտնվող նահատակների հրապարակում:
Թուրքիան ավանդաբար հերքում է 20-րդ դարի սկզբին շուրջ 1.5 մլն հայերի զանգվածային ոչնչացման մեղադրանքները և խիստ հիվանդագին է արձագանքում այդ հարցում Արևմուտքի քննադատությանը:
Հայոց ցեղասպանությունն (Armenian Genocide) արդեն ճանաչել և դատապարտել են Ուրուգվայը (1965թ.), Կիպրոսի Հանրապետությունը (1982թ.), Արգենտինան (1993թ.), Ռուսաստանի Դաշնությունը (1995թ.), Կանադան (1996թ.), Հունաստանը (1996թ.), Լիբանանը (1997թ.), Բելգիան (1998թ.), Իտալիան (2000թ.), Վատիկան (2000թ.), Ֆրանսիան (2001թ.), Շվեյցարիան (2003թ.), Սլովակիան (2004թ.), Հոլանդիան (2004թ.), Լեհաստան (2005թ.), Գերմանիան (2005թ.), Վենեսուելան (2005թ.), Լիտվիան (2005թ.), Չիլին (2007թ.), Շվեդիան (2010թ.): Հայոց Ցեղասպանությունը ճանաչել են նաև Վատիկանը, Եվրախորհուրդը և Եկեղեցիների համաշխարհային խորհուրդը:
http://www.panorama.am/am/society/2013/04/18/march/
Leave a Reply