Հայկ Դեմոյան. Հայոց ցեղասպանությունը ճանաչելու հարցում Հայաստանը պետք է ակտիվ արտաքին քաղաքական գիծ որդեգրի

Հայոց ցեղասպանությունը ոչ միայն պատմական հիշողության առարկա է, այլ նաեւ ազգային անվտանգության հարց։ Այս մասին ապրիլի 18-ին տեղի ունեցած Երեւան-Մոսկվա տեսակամուրջի ժամանակ հայտարարել է Հայոց ցեղասպանության թանգարան–ինստիտուտի տնօրեն Հայկ Դեմոյանը։

Նրա խոսքով, Թուրքիան փակել է սահմանը, Հայաստանի նկատմամբ ագրեսիվ քաղաքականություն է վարում, պաշտպանում Ադրբեջանին՝ մի պետության, որն ագրեսիա է կիրառել Ղարաբաղի հայերի նկատմամբ։

«Հայաստանը պատասխանատվության հարցը պետք է բարձրացնի ոչ միայն Թուրքիայի նախկին արածների, այլեւ ագրեսորի՝ այսօրվա քաղաքականության համար», – նշել է Դեմոյանը՝ ավելացնելով, որ Թուրքիան այսօր ակտիվ քարոզչական քաղաքականություն է վարում՝ կաշառելով այն երկրներին, որոնք, այսպես թե այնպես, մասնակցում են Հայոց ցեղասպանության ճանաչման գործընթացին։

http://news.am/arm/news/149543.html