Թուրքիա մեկնած Ռուսաստանի արտգործնախարար Սերգեյ Լավրովը հանդիպել է իր թուրք գործընկեր Ահմեդ Դավութօղլուի հետ, որի ընթացքում նրանք խոսել են նաեւ Ղարաբաղի խնդրից։
Թուրքական Beyazgazete կայքի փոխանցմամբ՝ Ռուս-թուրքական համատեղ ռազմավարական նախաձեռնությունների 3-րդ համաժողովին մասնակցելու համար Թուրքիա մեկնած Ռուսաստանի ԱԳ նախարար Սերգեյ Լավրովը եւ Թուրքիայի ԱԳ նախարար Ահմեդ Դավութօղլուն երկկողմ հանդիպումից հետո կազմակերպված մամուլի ասուլիսի ժամանակ հայտարարել են, թե հանդիպման ժամանակ քննարկվել է Մերձավոր Արեւելքում խաղաղության եւ կայունության ապահովման համար քայլերը եւ Կովկասում տիրող իրավիճակը:
Ահմեդ Դավութօղլուն իր խոսքում նշել է, թե ռուս գործընկերոջ հետ քննարկել են նաեւ Ադրբեջանի եւ Հայաստանի միջեւ առկա Ղարաբաղի խնդիրը։ «Մենք միշտ մեծ կարեւորություն ենք տալիս Կովկասում խաղաղության եւ կայունության հաստատմանը»,-ասել է Դավութօղլուն։
Լավրովը հավելել է, որ թուրք գործընկերոջ հետ քննարկել են նաեւ Հյուսիսային Աֆրիկայի երկրներում տիրող իրավիճակը, Իրանի միջուկային ծրագրի խնդիրը եւ Սիրիայի իրադարձությունները։
Leave a Reply