Պետք է ստեղծվի պատմաբանների հանձնաժողով` 1915թ. դեպքերը ուսումնասիրելու համար. Թուրքիայի փոխվարչապետ

Թուրքիայի փոխվարչապետ Բյուլենթ Արընչը, ով այցով գտնվում է Փարիզում, հարցազրույց է տվել “France 24” հեռուստաընկերությանը, հաղորդում է թուրքական «Անադոլու» գործակալությունը:

Խոսելով 1915թ. Հայոց ցեղասպանության մասին` Արընչը պնդել է, որ հարցը կարող է լուծվել բացառությամբ պատմաբանների ջանքերով։ Վերջինս դարձյալ պնդել է, որ թուրքական արխիվները բաց են ուսումնասիրությունների համար, և կողմնակից է պատմաբանների համատեղ հանձնաժողով ստեղծելուն։

Արընչը, անդրադառնալով ԵՄ (Եվրոպական միություն) անդամակցությանը, նշել է, որ Թուրքիան ցանկանում է միանալ ԵՄ-ին, մինչդեռ մի շարք երկրներ, այդ թվում նաև Ֆրանսիան և Գերմանիան դեմ են դրան: «Մենք էլ ենք ուզում ձեզ հետ միասին լինել: ԵՄ-ին անդամակցելով` մենք ոչ թե բեռ կլինենք ձեզ համար, այլ այդ բեռից կազատենք ձեզ», -ասել է Թուրքիայի փոխվարչապետը:

http://ankakh.com/2013/04/307229/