Թուրքիայում քանդել են շենքը, որպեսզի վերականգնեն նրանում գտնվող եկեղեցին

Թուրքիայի Մուղլա նահանգի Բոդրում շրջանում կրթական կենտրոնի ապամոնտաժման ժամանակ «հայտնաբերվել» է հունական Սուրբ Նիկոլա եկեղեցին, փոխանցում է թուրքական «Աքշամ» պարբերականը:

Եկեղեցին մի քանի տասնամյակ առաջ թուրքական իշխանությունների կողմից վերափոխվել էր կրթական կենտրոնի: Եկեղեցու շրջակայքում նոր պատեր էին կառուցվել, ավելացվել էին հարկեր, ինչի հետևանքով էլ եկեղեցին ամբողջովին մնացել էր նոր շենքի մեջ:

42 տարի անց կրթական կենտրոնը որոշել են ապամոնտաժել և վերականգնել եկեղեցին:

Բոդրումի քաղաքապետ Մեհմեթ Քոջադոնը նշել է, որ աշխատանքների ավարտից հետո իրենք հույս ունեն այս վայրում զարգացնել զբոսաշրջությունը: 

http://haynews.am/hy/1366050670