Հայկական եկեղեցու նկատմամբ բարբարոսական վերաբերմունք

Մի կողմ թողնենք եկեղեցու պատկանելության վերաբերյալ հայ-վրացական վիճաբանությունը և թուրքերի բարբարոսությունը դատապարտենք.

Վրաստանի և Թուրքիայի միջև առկա է միջպետական համաձայնագիր մշակութային ժառանգության վերականգնման վերաբերյալ: 2012 թ. թուրքական կառավարությունը 1 մլն լիրա էր հակացրել Տայքի Հայ Բագրատունյաց իշխանապետության ժառանգություն համարվող Իշխան և Օշք եկեղեցիները վերականգնելու համար, որը վրացական և թուրքական կողմերը վրացական եկեղեցի են համարում:

Սակայն հարցը եկեղեցիների պատկանելիությունը չէ: Հարցն այն է, որ Իշխան եկեղեցու վերականգնման մրցույթը շահած շինարարական կազմակերպությունը ոչ մի կապ չունի հուշարձանների վերականգնման հետ և, նման աշխատանքներին պարտադիր նախորդող հնագիտական պեղումները բացառելով, ծանր տեխնիկայով հողային աշխատանքներ է կատարում եկեղեցու անմիջական հիմքերի տակ:

Հաշվի առնելով իրավիճակը` Վրաստանի մշակույթի նախարարությունը հատուկ ուղերձ է հղել Թուրքիայի մշակույթի նախարարությունը` պահանջելով դադարեցնել իշխան եկեղեցու վերականգնման աշխատանքները, քանի որ դա ոչ թե վերականգնում է, այլ` հուշարձանի ավերում ու նրա պատմաճարտարապետական տեսքի խեղում: Հիշեցնենք նաև, որ հունիս ամսից թուրքական կողմը պատրաստվում է վերականգնման աշխատանքներ իրականացնել նաև Օշք եկեղեցում:  

http://www.armweeklynews.am/awn/m13/m_0201.htm