Թուրքիայի իշխանությունները փոփոխություններ են արել անշարժ գույք գնող օտարեկրյա քաղաքացիներին տրվող կեցության ժամկետի հետ կապված։
Թուրքական Hurriyet-ի փոխանցմամբ՝ եթե նախկինում Թուրքիայի տարածքում օտարեկրացին անշարժ գույք էր գնում, նրան տրվում էր երկրում կեցության 3 ամսվա իրավունք, իսկ նոր օրենքով այդ ժամկետը հասցվել է 1 տարվա։
Իշխանություններն այս նոր քայլով փորձում են աշխուժացնել անշարժ գույքի եւ շինարարության ոլորտները՝ ապահովելով տարեկան 10 մլրդ դոլարի անշարժ գույքի հավելյալ վաճառք։
Նշենք, որ թուրքական օրենքներով Հայաստանի, Հյուսիսային Կորեայի, Սիրիայի եւ եւս մի քանի պետությունների քաղաքացիների համար արգելված է Թուրքիայում անշարժ գույք գնել, սակայն 2013-ի հունվարին հայտնի էր դարձել, որ Հայաստանի 2 քաղաքացու անունով Թուրքիայում անշարժ գույք է վաճառվել։
Leave a Reply