Ազնավուրը քննադատել է Օլանդին՝ հորդորելով փոխել քաղաքական կուրսը

Հայազգի աշխարհահռչակ երգիչ Շառլ Ազնավուրը, հանդես գալով ֆրանսիական RTL հեռուստաընկերության եթերում, դիմել է Ֆրանսիայի նախագահ Ֆրանսուա Օլանդին՝ խնդրելով հնարավորինս արագ փոխել քաղաքական կուրսը։

Շանսոնյեն նաև անդրադարձել է Սոցիալիստական կուսակցության վարած քաղաքականությանը՝ ասելով. «Սոցիալիստական կուսակցությունն ինձ նյարդայնացնում է, որովհետև ամեն անգամ, երբ ինչ-որ բան կա հայերի համար, նրանք քվեարկում են մեր դեմ»:

Հիշեցնենք, որ սոցիալիստները դեմ էին Ֆրանսիայում Հայոց ցեղասպանույթան ժխտումը դատապարտող օրենքի ընդունմանը և այդ կապակցությամբ քննադատում էին Սարկոզիին՝ ասելով, որ նա այդ հարցն օգտագործում է քարոզչական նպատակներով։ Սակայն պետք է նշել, որ ձախերը քվեարկեցին օրենքի ընդունմանը կողմ, որի նախաձեռնողներն, ի դեպ, իրենք էին:

http://m.1in.am/arm/armenia_foreignpolicy_176081.html