Հայոց ցեղասպանության 100-ամյա տարելիցին ընդառաջ աշխարհի տարբեր երկրներում կազմակերպվող միջոցառումների շարքը շարունակվում է: Ողջ աշխարհում Ցեղասպանության թեմային անդրադարձել են ոչ միայն գրողներ, նկարիչներ, երաժիշտներ, այլև` կինոմատոգրաֆներ:
Մոսկվայում գործող «Հայ երիտասարդության մտավոր փոխգործակցության միավորում» (СИВАМ) երիտասարդական, ոչ քաղաքական կազմակերպությունը կազմակերպել է դասախոսություն` «Ցեղասպանության թեման կինոմատոգրաֆիայում» խորագրով: Դասախոսությունը կներկայացնի արվեստաբանության թեկնածու, կինոռեժիսոր, կինոօպերատոր Էդուարդ Համբարձումյանը:
Դասախոսության շրջանակում բանախոսը կանդրադառնա հետևյալ հարցերի` 20-րդ դարում ԽՍՀՄ-ում ինչպե՞ս են հայ ժողովրդի կրած տառապանքների մասին ակնարկող հայկական ֆիլմեր նկարահանվել, ովքե՞ր են եղել գեղարվեստական ֆիլմեր նկարահանելու նախաձեռնողները, ովքե՞ր են Հայաստանում և արտերկրում Հայոց ցեղասպանության մասին նկարահանված ֆիլմերի հեղինակները, ի՞նչն է ստիպել հայ կինոմատոգրաֆիստներին Ցեղասպանության մասին ֆիլմ նկարահանել, և ո՞րն է այն հիմնական ուղերձը, որը ֆիլմի միջոցով ցանկացել են հղել:
Դասախոսությունը տեղի կունենա այսօր` ապրիլի 13-ին, ժ. 15:00-ին Մոսկվայի «Mandarin» հյուրանոցում:
Անահիտ Քարտաշյան
Akunq.net
Leave a Reply