Պոլսո հայ համայնքի ներկայացուցիչներից Թաթյոս Բեբեքը «Բիանեթ» կայքի հետ զրույցում անդրադարձել է թուրքական նոր Սահմանադրությանն ու ներկայացրել իրենց տեսակետները՝ ազգային փոքրամասնությունների հարցով։
Նա նշել է, որ փոքրամասնությունների ներկայացուցիչներն էլ պետք է հավասար քաղաքացիական իրավունքներ ունենան և դա չպետք է զուտ թղթի վրա մնա։
«Հայը պետք է կարողանա գավառապետ դառնալ, հույնը՝ ոստիկան, հրեան՝ սպա, ասորին՝ փոխնախարար»,-ասել է հայ գործիչը։
Նա նշել է, թե հուսով են, որ նոր Սահմանադրությունը վերջ կտա անցյալում տեղի ունեցած ցավերին, հանրության մասնատվածությանը, կլինի այլատյացության գաղափարախոսությունից հեռու, ազատ ու հավասար ապագային միտված։
«Այդ կտրվածքով փոքրամասնության ներկայացուցիչ քաղաքացիները ոչ թե ազատություններ ու արտոնություններ են ուզում, այլ հավասար իրավունքներ։ Նոր Սահմանադրությունն՝ էթնիկ կամ կրոնական ինքնությունների հանդեպ կույր պիտի լինի։ Թուրքիայի տարածքում ծնված, մայրը կամ հայրը Թուրքիայի քաղաքացի հանդիսացող ցանկացած մարդ պետք է Թուրքիայի հանրապետության քաղաքացի կամ ժողովուրդ կոչվի»,-ասել է Թաթյոս Բեբեքը։
Նրա խոսքերով՝ կարևորը հավասարությունն է, և դրա իրագործումը։ Իրենք չեն ցանկանում, որ դա պարզապես մնա թղթի վրա։
Հայը պետք է Թուրքիայում գավառապետ դառնալու իրավունք ունենա. հայ գործիչը՝ թուրքական նոր Սահմանադրության մասին
•
Leave a Reply