Միչիգան նահանգի Տրոյա քաղաքում բացվել է Հայոց ցեղասպանության հուշարձանը: Այն կանգնեցվել է Ռիվերփոյնթ պուրակում, Վիետնամի պատերազմի վետերանների հուշակոթողի հարևանությամբ: Հուշարձանի բացմանը ներկա են գտնվել Միչիգան նահանգի հայ համայնքի և քաղաքապետարանի ներկայացուցիչները, գրում է The Troy Record-ը: Հավաքվածներին դիմել է քահանա Ստեփանոս Դուդուքչյանը՝ ոգեկոչելով Արևմտյան Հայաստանում և Սիրիայի անապատում 1915թ. սպանվածների հիշատակը:
«Սա երկար ու դժվարին ճանապարհ էր «Վարդանանց ասպետների ու դուստրերի» համար, որը հաջողությամբ պսակվեց, և այսօր մենք տեսնում ենք մեր ութնամյա աշխատանքի պտուղները»,-ասել է հայկական կազմակերպության համանախագահ Ռալֆ Ենոքյանը:
Հուշակոթողի նախագիծը հավանություն է ստացել քաղաքապետարանի կողմից: Թերթը նշում է նաև, որ Ենոքյանը Ցեղասպանությունը վերապրածների ժառանգ է: Նրա հորը սպանել են, իսկ մայրն ու մորաքուրյրը փորկվել են կոտորածից:
Leave a Reply