Ֆրանսիայի տարբեր քաղաքներում Հայոց ցեղասպանության 98-ամյա տարելիցին նվիրված միջոցառումները կմեկնարկեն ապրիլի 19-ից: Ինչպես հաղորդում է Nouvelles d`Armenie-ն, Փարիզում ապրիլի 23-ին ժամը 19:23-ը կկայանա ֆրանսահայ երիտասարդության ակցիա, այնուհետև` ապրիլի 24-ին, Կոմիտասի հուշարձանի հարևանությամբ անցկացվելիք միջոցառմամբ միջազգային հանրությանը մեկ անգամ ևս կոչ կարվի դատապարտել և ճանաչել Օսմանյան կայսրության կողմից 1915-ին իրականացված Հայոց ցեղասպանության փաստը:
Ապրիլի 23-ին Մարսելում տեղի կունենա մոմավառություն, իսկ ապրիլի 24-ին` երթ դեպի Թուրքիայի հյուպատոսարան: Այնուհետև տեղի հայ Առաքելական եկեղեցում կմատուցվի սուրբ պատարագ` ի հիշատակ Մեծ եղեռնի զոհերի: Սպասվում է, որ երթին իրենց մասնակցությունը կբերեն նաև Մարսելի բարձրագույն իշխանությունները:
Վալանսում Հայոց ցեղասպանության զոհերի ոգեկոչման միջոցառումները կսկսեն ապրիլի 19-ից:
Ֆրանսիայի այլ քաղաքներում ևս կանցկացվեն ակցիաներ: Նախապատրաստական աշխատանքները շարունակվում են:
http://tsayg.am/hasarakutyun/3353-nsl-ns-eusn-98-ln-lcsisl-l-u-19-.html
Leave a Reply