Օրերս Թուրքիայի նախագահ Աբդուլլահ Գյուլը եղել է Լատվիայում եւ Լիտվայում: Բալթյան այս երկրների ղեկավարության հետ հանդիպումների ավարտին նա, ինչպես ապրիլի 4-ին նշել է «Սթար» թերթը, թուրք լրագրողներին ասել է, որ հանդիպումներում ինքն արծարծել է շահարկման ենթակա այն խնդիրները, որոնք անհարիր են բարեկամական եւ դաշնակցային հարաբերություններին:
Լրագրողների` «Որո՞նք են այդ խնդիրները» հարցին Գյուլը պատասխանել է. «Երբեմն այլ երկրների խորհրդարանները 1915-ի (Հայոց ցեղասպանության-Ակունքի խմբ.) իրադարձություններին վերաբերող որոշումներ են ընդունում: Թեեւ 2005-ին համանման որոշում ընդունելու փորձ արվեց նաեւ այս երկրի (Լիտվայի) խորհրդարանում, սակայն կառավարությունը բուռն կերպով հակադրվեց: Ավելին, միաժամանակ հայտարարեց, որ իրենք մեծ կարեւորություն են տալիս Թուրքիայի հետ դաշնակցային եւ բարեկամական հարաբերություններին: Այս իրողությունը երկու կողմերն էլ գիտակցում են»: Վերջում Աբդուլլահ Գյուլը ավելացրել է, որ Լիտվան ու Լատվիան մեծապես աջակցում են Թուրքիայի անդամակցությանը ԵՄ-ին:
Leave a Reply