Թուրքիայի Ազգայնական շարժում կուսակցության պատգամավոր Ահմեթ Դուրան Բուլութն անդրադարձել է քրդական խնդրի կարգավորման հարցում ստեղծված «Իմաստունների հանձնաժողովի» կազմում հայ լրագրողի ընդգրկման փաստին, տեղեկացնում է «Ակօս»-ը։
«Ցուցակում հայեր կան, իբր խելացի մարդիկ են։ Հայի խելքն ուտեմ։ Հայի խելքն ինձ պետք չէ։ Որևէ հայ թուրք ժողովրդի մասին ի՞նչ պիտի մտածի։ Թուրքիայում հայ քաղաքացիներ կան, նրանց հարգում ու սիրում եմ։ Բայց մինչև երեկ պետության դեմ եղած, թուրք ժողովրդից վրեժ լուծելու ձգտող մարդկանց են վարձել և որպես իմաստուն մարդ ընտրել»,-ասել է նա։
Տեղեկացնենք, որ Թուրքիայի կառավարությունն «Իմաստունների հանձնաժողովը» ստեղծել էր քրդական հարցի կարգավորմանն աջակցելու նպատակով։ Դրանում ներգրավված են Թուրքիայում հայտնի լրագրողներ, մտավորականներ, գործիչներ, այդ թվում՝ հայ լրագրող Էթյեն Մահչուփյանը։
Leave a Reply