Այսօր Արևմտահայոց հարցերի ուսումնասիրության կենտրոնում կայացավ առաջին սեմինարը` կազմակերպված կենտրոնի կողմից: Բանախոսն էր ՀՀ ԳԱԱ արևելագիտության ինստիտուտի տնօրեն, պատմական գիտությունների դոկտոր, պրոֆեսոր, ՀՀ ԳԱԱ թղթակից անդամ Ռուբեն Սաֆրաստյանը: Թեման էր «Ցեղասպանության ծրագրի ծագումնաբանությունը Օսմանյան կայսրությունում»:
Սեմինարին մասնակցում էին արդեն կայացած, ինչպես նաև` երիտասարդ գիտնականներ, լրագրողներ և ուսանողներ: Սեմինարի բացումը կատարեց Արևմտահայոց հարցերի ուսումնասիրության կենտրոնի տնօրեն, բանասիրական գիտությունների թեկնածու Հայկազուն Ալվրցյանը: Սեմինարի սկզբում բանախոսը մանրամասն ներկայացրեց Օսմանյան պետության ծագման առանձնահատկությունները, այնուհետև անդրադարձավ ցեղասպան պետության հասկացությանը և ցեղասպանության այն չորս ծրագրերին, որոնք մշակվել են համիդյան, երիտթուրքական և քեմալական ժամանակաշրջաններում:
Սեմինարի մանրամասները շուտով կներկայացնենք մեր ընթերցողներին:
Akunq.net
Leave a Reply