Washington Diplomat-ը դեսպանատներին ուղարկված օրացույցում ապրիլի 24-ը նշել է որպես Հայոց ցեղասպանության օր

Washington Diplomat ամսաթերթը Վաշինգթոնի բոլոր դեսպանատներին, այդ թվում` Թուրքիայի դեսպանատանը բաժանել է օրացույցներ, որում նշված են տոնական օրերը: Օրացույցում ապրիլի 24-ը նշված է որպես Հայոց ցեղասպանության զոհերի հիշատակի օր: Այս մասին հայտնել է Հայ դատի հանձնախումբը:

Washington Diplomat-ն ավելի քան 120 հազար ընթերցող ունեցող անկախ ամսաթերթ է, որը 17 տարվա ընթացքում եղել է ԱՄՆ Վաշինգթոնի դաշնային շրջանի դիվանագիտական հանրությանը սպասարկող լրատվական ամսաթերթը: Այն սպասարկում է Վաշինգթոնի բոլոր օտարերկրյա դեսպանություններին, Նյու Յորքում ՄԱԿ-ի գրասենյակին, Համաշխարհային բանկին, Արժույթի միջազգային հիմնադրամին, Սպիտակ տանը, Պենտագոնին, դաշնային մարմինների և ավելի քան 600 բնակավայրերի:

http://www.armeniatv.am/hy/news/36693