Ստամբուլի դատախազություն հետաքննություն է սկսել «Ակօս» շաբաթաթերթի գլխավոր խմբագիր Ռոբեր Քոփթաշի և գրող, խմբագիր Ումիթ Քըվանչի նկատմամբ: Այս մասին տեղեկացնում է «Ակօսի» կայքը:
Հետաքննության առիթ են հանդիսացել Քոփթաշի և Քըվանչի խոսքերը Հրանտ Դինքի սպանության վերաբերյալ, որ նրանք ասել են հեռուստահաղորդումներից մեկի ժամանակ:
Քոփթաշն ու Քըվանչը 2012 թ. հունվար ամսին մասնակցել են «ՀաբերԹյուրք» հեռուստաալիքի «Խոսքը քոնն է» հաղորդաշարին: Հաղորդման ընթացքում հյուրերը խոսել են Դինքի գործով դատավարության վճիռների մասին:
Եթերից հետո Անթալիայի բնակիչ Այդըն Թաշչըն դիմել է Ստամբուլի դատախազություն` Քոփթաշին ու Քըվանչին մեղավոր համարելով պետությունը որպես մարդասպան ներկայացնելու մեջ:
Առաջիկայում նրանք կկանչվեն դատախազություն` հարցաքննության:
Leave a Reply