Թուրքիան բավարարել է Լեւոն Էքմեքչյանի եղբոր պահանջը

Թուրքիան բավարարել է հայկական նորագույն զինյալ պայքարի մարտիկ Լեւոն Էքմեքչյանի եղբոր պահանջը: Լեւոնի դին կտեղափոխվի Ֆրանսիա:

1982 թ. օգոստոսի 7-ին «Խրիմյան Հայրիկ» ջոկատի երկու հայրոդիներ՝ Լեւոն Էքմեքչյանը եւ Զոհրապ Սարգսյանը, ներխուժել էին Անկարայի «Էսենբողա» օդանավակայան, հարձակվել էին ոստիկանատան վրա եւ պայթեցրել այն: Մահացել էր յոթ զինվոր, իսկ օդանավակայանն անցել էր ջոկատի վերահսկողության տակ: Թուրքերը լրացուցիչ ուժեր էին բերել եւ շրջափակել էին օդանավակայանը: Գործողության ճնշումից հետո հրամանատար Զոհրաբ Սարգսյանը ինքնասպան էր եղել, իսկ Լեւոն Էքմեքչյանը կալանավորվել եւ տեղափոխվել էր թուրքական բանտ, որտեղ եւ 30 տարի առաջ երկարատեւ կտտանքներից եւ խոշտանգումներից հետո կախաղան էր հանվել: Անկարայում նրա շիրիմի վրա որեւէ հուշաքար մինչ օրս դրված չէ:

Մինչ օրս էլ Թուրքիայում բազում ձախակողմյան շրջանակներ Լեւոն Էքմեքչյանի անունը դասում են թուրքական զինված խունտայի զոհերի շարքը։

http://www.yerkirmedia.am/?act=news&lan=hy&id=13342#.UVxR1XDKUx4.facebook