Միջազգային ԶԼՄ-ներ. Թուրքիան Ադրբեջանի դիմադրության պատճառով հետաձգում է Երևան-Վան չվերթը

Միջազգային պարբերականներից «Reuters», «The Moscow Times», «Global Post», «The Chicago Tribune»-ն անդրադարձել են Երևան-Վան չվերթի հետաձգմանը: Ըստ միջազգային ԶԼՄ-ների` Հայաստան-Թուրքիա մերձեցման ջանքերն անհանգստացրել են Ադրբեջանին: Պարբերականները նշել են, թե պաշտոնապես Հայաստանը և Ադրբեջանը պատերազմի մեջ են գտնվում Լեռնային Ղարաբաղի պատճառով: Թուրքիան, ի նշան Ադրբեջանի հետ համերաշխության` մուսուլման և թյուրքալեզու դաշնակցի, որն ամեն տարի միլիարդ խորանարդ մետր Կասպից բնական գազ է մատակարարում Անկարային, երբեք չի բացել իր դեսպանատունը Հայաստանում: «Թուրքիան Ադրբեջանի դիմադրության պատճառով հետաձգում է Երևան-Վան չվերթը: Թուրք պաշտոնյաները, չվերթի վերսկսման հայտարարությունից հետո, իրենց դաշնակից, էներգետիկ գործընկեր Ադրբեջանի կողմից կատաղի դիմադրության դեմ հանդիման են կանգնել: Շաբաթական երկու անգամ չվերթներ պետք է իրականացվեր Թուրքիայի արևելյան Վան քաղաքից դեպի Հայաստանի մայրաքաղաք Երևան, որը մեկնարկելու էր ապրիլի 3-ից: Այս քայլը քաջալերել էր ԱՄՆ-ն, քանի որ այն խթանելու էր երկկողմ առևտուրն ու զբոսաշրջությունը: Թեև տոմսերն արդեն վաճառվել էին, Թուրքիայի քաղաքացիական ավիացիայի գլխավոր վարչությունը սառեցրել է չվերթի իրականացումը։ Չվերթն իրականացնող «Borajet» ավիաընկերությունը չի մեկնաբանել այն: Երևան-Վան չվերթի հայաստանյան կազմակերպիչ «Նարեկավանք տուր» ընկերությունը նշել է, որ այն քաղաքական դրադապատճառներ ունի»,-գրել է Ռոյթերսը:

http://www.armtown.com/news/am/prm/20130402/252335/