Դիարբեքիրի քաղաքապետին լսած հայտնի հայ երաժիշտը վերադառնում է ծննդավայրում ստեղծագործելու

Դիարբեքիրում ծնված եւ այնուհետ ԱՄՆ մեկնած ուդի վարպետ Երվանդ Բոսթանջըն հայտնել է, որ պատրաստվում է վերադառնալ իր ծննդավայր։

Թուրքական Milliyet-ի փոխանցմամբ՝ ԱՄՆ-ում քրդերենով, թուրքերենով եւ հայերենով ստեղծագործող ուդի վարպետ Երվանդ Բոսթանջըն նշել է, որ այս տարվա հունիսին կվերադառնա իր ծննդավայր՝ Դիարբեքիր։ Նա շեշտել է, թե իր այդ որոշման մեջ էական է եղել Դիարբեքիրի քաղաքապետի եւ Թուրքիայի տուրիզմի եւ մշակույթի նախարարի կոչը՝ երկրից հեռացած ազգային փոքրամասնությունների ներկայացուցիչներին վերադառնալ իրենց ծննդավայրերը։

Թուրքիայի տուրիզմի եւ մշակույթի նախարար Օմեր Չելիքն այս հայտարարության հետ կապված նշել է, թե Երվանդ Բոսթանջըի ձայնն ավելի կհարստացնի Անատոլիան։

http://news.am/arm/news/146961.html