Քանի դեռ բոլոր եվրոպական երկրների կառավարություններն ու ժողովուրդները պաշտոնապես չեն դատապարտել Հայոց ցեղասպանությունն Առաջին աշխարհամարտի ժամանակ, բարդ է լինելու օբյեկտիվորեն քննարկել նորագույն պատմության ողբերգական էջերը: Այս մասին Analitika.at.ua–ին հայտնել է Եվրոպացի լրագրողների ասոցիացիայի նախագահ Արթուր Ռուդզիցկին:
«1915 թվականին Օսմանյան կայսրությունում հայերի սպանությունները ցեղասպանություն են՝ մարդկության դեմ ուղղված հանցագործության: Ես վստահ եմ, որ Եվրոպայի բոլոր երկրները պետք է համաշխարհային պատմության այդ սարսափելի էջը դատապարտող օրենք ընդունեն»,-նշել է նա:
Նշենք, որ Հայոց ցեղասպանությունն ընդունել են աշխարհի բազմաթիվ երկրներ, իսկ որոշ երկրներում օրենքներ են ընդունվել, որով պատիժ է սահմանվում Հայոց ցեղասպանությունը ժխտելու համար:
Leave a Reply