Հայ վրիժառուն ծնվել է 1896թ. Արևմտյան Հայաստանի` Էրզրումի վիլայեթի Ներքին Բագառիճ գյուղում: 1915-ին` Ցեղասպանության ժամանակ, կորցրել է իր ընտանիքը: Ջարդերից հետո հրաշքով կենդանի է մնացել. ապաստան է գտել քրդերի մի ընտանիքում, որտեղից էլ անցել է Արևելյան Հայաստան: Սողոմոն Թեհլերյանը 1921թ. մասնակցել է Դաշնակցության հանրահայտ «Նեմեսիս» գործողությանը՝ առաջադրանք ստանալով սպանել Եղեռնի գլխավոր կազմակեպչին՝ Թալեաթ փաշային։ Նույն տարվա մարտի 15–ին Բեռլինի Շառլոտենբուրգ թաղամասի Հայդենբերգ փողոցում, որտեղ թաքնվում էր Թալեաթ փաշան, Սողոմոն Թեհլերյանը գնդակահարում է նրան և ձերբակալվում: Սակայն 1921 թ. հունիսի 2–ին գերմանական դատարանը նրան արդարացնում է։ Հերոսն իր մահկանացուն կնքել է ԱՄՆ–ի Ֆրեզնո քաղաքում՝ 1960 թ. մայիսի 23-ին։ Ի հիշատակ Թեհլերյանի՝ հուշարձաններ են կանգնեցվել Ֆրեզնոյում, Թալինի շրջանի Մաստարա գյուղում և Երևանում։
http://nakhshkaryan.blogspot.com
Leave a Reply