Վերջապես հայերը լիարժեք ներկայացված կլինեն Թուրքիայի քաղաքական կյանքում

Կայծակնային արագությամբ ողջ երկրում 77 մարզային կառույց է բացել Ժողովրդի արթնացում (Ժողովրդի բարձրացում–Ակունքի խմբ.) կուսակցությունը:

Ըստ նախանական տեղեկությունների` Ստամբուլի Շիշլիի քաղաքապետ Մուսթաֆա Սարըգյուլը, ում անձին բազմիցս անդրադարձել է Armweeklynews.am կայքը (Թուրքիայի նախագահի թեկնածուներից մեկը նաև հայ համայնքի շահերը կներկայացնի)` որպես Թուրքիայի քաղաքական դաշտում ծագող աստղի, իր համաձայնություն է տվել ղեկավարել Ժողովրդի արթնացում կուսակցությունը` Halkın Yükselişi Partisi (HYP):

Այժմ կուսակցությունը կայծակնային արագությամբ մարզային կառույցներ է ստեղծում և արդեն իրենց տարածքային ժողովներն է անցկացրել շուրջ 77 մարզերի կուսակցական կառույցներ:

Շիշլիի քաղաքապետ Մուսթաֆա Սարըգյուլը հունվարի 30-ին ողջույնի ուղերձ է հղել HYP Սվասի մարզային համաժողովի մասնակիցներին, ինչը ևս վկայում է, որ Սարըգյուլի կողմից կուսակցության ղեկավարության հարցը լուծման ճանապարհին է:

Ժողովրդի արթնացում կուսակցության արտահերթ համագումարը տեղի կունենա փետրվարի 3-ին:

Հիշեցնենք, որ Մուսթաֆա Սարըգյուլը քաղաքական գործունեության ընթացքում մշտապես հենվել է Շիշլիի հայ բնակչության և հայ հայտնի գործիչների վրա, նաև վայելում է Պոլսո պատրիարքարանի, Թուրքիայից դուրս բնակվող ստամբուլահայության հատուկ հարգանքն ու վստահությունը:

Վստահաբար կարող ենք ասել, որ Մուսթաֆա Սարըգյուլի հայ ընկերները, որոնց թիվը շատ մեծ է, անպայման կներգարվվեն կուսակցաշինության և ակտիվ քաղաքական գործունեության մեջ:

http://www.armweeklynews.am/awn/m13/m_0072.htm