Գերեզմանոցի սեփականության վկայագիրը վերադարձվել է Յենիքյոյի վաքըֆին

2011 թ. հունվարի 1-ին Թուրքիայի պաշտոնաթերթի (Resmi Gazete) 2807 համարում հրապարակված և այդպիսով օրենքի ուժ ստացած 5737 թվակիր Վաքըֆների մասին օրենքի 11-րդ ժամանակավոր հոդվածի համաձայն` Յենիքյոյի Սուրբ Աստվածածին հայկական եկեղեցու վաքըֆը գրությամբ դիմել էր Վաըքֆների տնօրինությանը` գերեզմանոցի սեփականության վկայագիրը ստանալու ակնկալիքով:

Պոլսահայերի Hyetert կայքէջի փոխանցմամբ, Յենիքյոյի Քյուդ Դիփո Սուրբ Աստվածածին հայկական եկեղեցու վաքըֆի ղեկավար խորհրդի անունից Սևան Շեշեթյանը հաղորդել է, որ վաքըֆը 2012 թ. դեկտեմբերի 28-ին ստացել է իր դիմումի պատասխանը, ըստ որի` Սարըյեր շրջանի Իսթինյե թաղամասում գտնվող 1733 քմ տարածքով գերեզմանոցի սեփականության վկայագիրը վերադարձվել է հայկական վաքըֆին:

Սևան Շեշեթյանը նաև նշել է, որ սույն գերեզմանատանը 70-80 տարուց ի վեր ոչ մի հանգուցյալ չի թաղվել, և այդքան տարիներ այն որևէ կերպ չի օգտագործվել:

Akunq.net