Ստամբուլի Սամաթիա թաղամասի Սուրբ Գևորգ հայկական եկեղեցու ղեկավար խորհուրդն առաջին անգամ անդրադարձել է հայ կանանց դեմ տեղի ունեցած բռնարարքներին։
Ինչպես տեղեկացնում է «Հուրրիյեթ»-ը, տնօրենների խորհրդի ղեկավար Եսայի Դեմիրը նշել է, որ իրենք մտահոգ են և ակնկալում են, որ դրանք մեկ վայրկյան առաջ կբացահայտվեն։
«Տուժածների միմյանց նման հատկանիշները, նույն եղանակով սպանվել կամ բռնության ենթարկվելը, ոճրագործի կամ ոճրագործների բացահայտված չլինելը, կարճ ժամանակահատվածում դեպքերի միմյանց հաջորդելը բոլորիս անհանգստացնում են»,-ասել է Դեմիրը։
Նա նշել է, որ իրենք տարիներ շարունակ հանգիստ և խաղաղ ապրել են Սամաթիայում, սակայն այս դեպքերը սկսել են մտահոգել։
«Այստեղ մեր տունն է, և մենք ցանկանում ենք շարունակել մեր խաղաղ կեցությունը։ Տեղի ունեցածը դատապարտելու և մեզ աջակցելու հանրության ձգտումն ավելացնում է մեր հույսերը։ Ոճրագործների դատապարտումը կհանգստացնի մեր ժողովրդին»,-ասել է նա։
Leave a Reply