Մենք գիտենք, թե Թուրքիայում հայերին ինչպես են կոտորել և վերացրել. քուրդ կուսակցապետ

Թուրքիայի խորհրդարանի միակ քրդական Խաղաղություն և ժողովրդավարություն (BDP) կուսակցության համանախագահ Գյուլթան Քըշանաքը կուսակցության խորհրդարանական խմբակցության ժողովում խիստ քննադատության է ենթարկել Ստամբուլի Սամաթյա թաղամասում վերջին շրջանում տարեց հայ կանանց դեմ հարձակումները։

Քուրդ կուսակցապետը հիշեցրել է, որ վերջին 1,5 ամսում 5 հայ կնոջ դեմ հարձակում է տեղի ունեցել, որոնցից մեկն ավարտվել է սպանությամբ։ «Այդ հարձակումները ատելության հողի վրա են իրականցվել։ 84-ամյա հայ կնոջ հարձակման ժամանակ սեղանի վրա գումար է եղել, որը չեն տարել, ինչը ևս մեկ անգամ ապացուցում է, որ հարձակումներն իրականացվում են ազգային ատելության հողի վրա։

Մենք լավ գիտենք, թե այս երկրում հայերին ինչպես են վերացրել, ենթարկել կոտորածների։ Գիտենք Թուրքիայի մոտ անցյալի դեռևս արնահոսող վերքերի մասին։

Հայերի անվտանգությունը չապահովելը, նրանց համար հանգիստ կյանքի իրավունք չտալն այս երկրի ամոթն է։ Հայերի դեմ հարձակումները վերջին 1,5 ամսում սիստեմատիկ ձևով շարունակվում են, սակայն ո’չ ոստիկանությունը, ո’չ էլ իշխանությունները պարզաբանում չեն տալիս։ Սա այս երկրի ամոթն է։

Խաղաղություն և ժողովրդավարություն կուսակցությունը դատապարտում է այդ հարձակումները։ Մենք մեր հայ քաղաքացիների կողքին ենք։ Նրանց երբեք միայնակ չենք թողնի։ Այս հարցում հետևողական ենք լինելու և կոչ ենք անում իշխանություններին և ոստիկանությանը՝ մեկ րոպե առաջ մեղավորներին հայտնաբերել»,-հայտարարել է Քյուլթան Քըշանաքը։

http://mardik.am