Օջալանը դիմել է Թուրքիայի սահմանադրական դատարան

«Քրդստանի աշխատավորական կուսակցության» (PKK) առաջանորդ Աբդուլլահ Օջալանը, ով ցմահ ազատազրկում է կրում թուրքական բանտում, որոշել է դիմել Թուրքիայի Սահմանադրական դատարան:

Ինչպես փոխանցում է թուրքական T24 լրատվակայքը, Օջալանը որոշել է դիմել Թուրքիայի սահմանադրական դատարան, երբ նրան արգելել են տպագրել «Քրդերի հռչակագիրը» գիրքը:

Օջալանն ունի Թուրքիայի քաղաքացիություն, ինչն էլ թույլ է տվել նրան դիմել սահմանադրական դատարան: Իր հայցում նա նշել է, որ իր աշխատության տպագրումն արգելելու որոշումը հակասահմանադրական է:

Թուրքիայի սահմանադրական դատարանն Օջալացի հայցն առել է քննության:

Աբդուլլահ Օջալանը (ծնվ. 1949 թ., Ուրֆայում), ով քրդերի շրջանում հայտնի է նաև Ափո անունով, Քրդստանի աշխատավորական կուսակցության (PKK) հիմնադիրն է և առաջնորդը:

Մարքսիստական գաղափարների կողմնակից է:

Քրդստանի անկախության, ավելի ուշ` քուրդ ժողովրդի իրավունքների ընդլայնման համար Թուրքիայի դեմ 30-ամյա պայքար մղող Օջալանը 1999 թ. փետրվարի 15-ին ձերբակալվել է և թուրքական դատարանի կողմից դատապարտվել մահապատժի՝ «հայրենիքի դավաճանության» մեղադրանքով, որն ավելի ուշ փոխարինվել է ցմահ ազատազրկմամբ:

Վերջինս իր պատիժը կրում է թուրքական Իմրալը կղզում գտնվող բանտում: Օջալանը, ում ազգանունը թարգմանաբար նշանակում է «վրիժառու», 40 անուն գրքերի հեղինակ է: Թուրքիայում 80-90-ական թթ. տեղեկություններ էին շրջանառվում, որ Օջալանն ազգությամբ հայ է, սակայն դրանք որևէ հաստատում չգտան:

http://haynews.am/hy/1359444037