Ամերիկուհի լուսանկարիչն անհետ կորել է Ստամբուլում

Ամերիկուհի լուսանկարիչ, 33-ամյա Սարայի Սիերրան Նյու Յորքից Ստամբուլ է մեկնել՝ լուսանկարներ անելու նպատակով, սակայն անհետ կորել է Ստամբուլում, տեղեկացնում է Haberturk-ը։

Այստեղ նա բնակվել է Բեյօղլու թաղամասում գտնվող տան՝ վարձակալած մի սենյակում։

Ամերիկայում գտնվող հարազատները՝ ամուսինը, երեխաները, մայրն ու քույրը, հունվարի 22-ին սպասել են նրա վերադարձին, սակայն նա ավելի վաղ գնած ինքնաթիռի տոմսով Նյու Յորք չի վերադարձել։

Ավելի ուշ պարզվել է, որ նրա իրերն ու անձնագիրը դեռ վարձակալած սենյակում են, իսկ ինքն անհետ կորել է։

«Շատ մտահոգ եմ։ Նա աշխարհի մյուս ծայրում է, սակայն չգիտենք, թե ինչ է տեղի ունեցել։ Մտադրվել ենք Ստամբուլ մեկնել՝ թուրք պաշտոնյաների հետ հանդիպելու»,-ասել է ամուսինը։
Լուսանկարչի անհետանալուն անդրադարձել են ամերիկյան մի շարք հեղինակավոր լրատվամիջոցներ։

http://tert.am/am/news/2013/01/28/sarai-sierra/