Դինքի մարդասպանին հերոսացրած ոստիկանները դարձյալ դատարանի առաջ կկանգնեն

«Ակօս» շաբաթաթերթի խմբագրապետ Հրանտ Դինքի մարդասպանի հետ ոստիկանատանը լուսանկարված և նրան հերոսացրած ոստիկանները, ովքեր արդարացվել էին, դարձյալ կկանգնեն դատարանի առաջ։

Ինչպես տեղեկացնում է թուրքական Haberturk լրատվական կայքը, Թուրքիայի վճռաբեկ դատարանը բեկանել է նրանց արդարացնելու մասին որոշումը։

Մարդասպան Օգյուն Սամասթի ձերբակալությունից հետո, այդ ժամանակ Սամսունի Ահաբեկչության դեմ պայքարի վարչության պետի տեղակալ Մեթին Բալթան և նույն վարչությունից Իբրահիմ Ֆըրաթը լուսանկարվել էին Սամասթի հետ։

Այժմ մարդասպանին հերոսացրած ոստիկանները դարձյալ կկանգնեն դատարանի առաջ։ Եթե նրանց մեղադրանքը հաստատվի, ապա ոստիկաններին մինչև 5 տարվա ազատազրկում է սպառնում։

http://tert.am/am/news/2013/01/25/samast-police/