Թուրքիայի խորհրդարանն ընդունել է մայրենի լեզվով պաշտպանվելու օրինագծի առաջին հոդվածը

Թուրքիայի ազգային մեծ ժողովում երկարատև քննարկումներից և վիճաբանություններից հետո ընդունվել է “Մայրենի լեզվով պաշտպանվելու” մասին օրինագիծ, հաղորդում է թուրքական “Radikal” օրաթերթը:

Օրինագծին դեմ են հանդես եկել Ազգայնական շարժում և Ժողովրդահանրապետական կուսակցության պատգամավորները: Նրանք վիճաբանել են իշխող թուրքական Արդարություն և զարգացում ու քրդական Խաղաղություն և ժողովրդավարություն կուսակցությունների պատգամավորների հետ:

Համաձայն ընդունված օրինագծի առաջին հոդվածի` ամբաստանյալները դատարանում կարող են պաշտպանվել մայրենի լեզվով: Նրանք նաև կարող են պահանջել թարգմանիչ` մեղադրական զեկույցի ընթերցման և իր պաշտպանական ճառի ժամանակ: Թարգմանիչին հատուկ ցուցակից ընտրելու է ամբաստանյալը:

http://ankakh.com/2013/01/278728/