Ստամբուլում այրվում է հայ ճարտարապետի կառուցած պատմական պալատը

Ստամբուլի Բեշիքթաշ թաղամասի Գալաթասարայի համալասարանի մասնաշենքերից մեկում հունվարի 22-ի ուշ երեկոյան հրդեհ է բռնկվել:

Թուրքական Hurriyet-ի փոխանցմամբ` Գալաթասարայի համալսարանի պատմական մասնաշենքերից մեկի 3-րդ հարկում էլեկտրականության հետ կապված խնդրի հետեւանքով հրդեհ է բռնկվել, որն արագ տարածվել է շենքում: Հրդեհի հետեւանքով շենքի կտուրի մի մասն արդեն փլուզվել է:

Հրդեհի մարման աշխատանքներին մասնակցում են Ստամբուլի 3 շրջանների հրշեջ հաշվարկներ եւ ծովից շենքին մոտեցած հրշեջ 3 նավեր:

Նշենք, որ հիշյալ շենքը որպես պալատ կառուցվել է 1871 թվականին` ստամբուլահայ հայտնի ճարտարապետ Սարգիս Պալյանի կողմից: Ավելի ուշ շենքը տարբեր նպատակների համար է օգտագործվել եւ 1992 թվականին հանձնվել է Գալաթասարայի համալսարանին:

http://news.am/arm/news/136957.html