Կապադովկիայի հունական եկեղեցին հանձնել են Դերինքույուի նահանգապետարանին

Թուրքիայի Նևշեհիր շրջանի Դերինքույու գավառում գտնվող հունական Այիոս Թեոդորոս Տրիոն եկեղեցին Թուրքիայի մշակույթի և զբոսաշրջության նախարարության կողմից հանձնվել է Դերինքույուի նահանգապետարանին: Ինչպես հաղորդում է «Արմենպրես»-ը` վկայակոչելով հայկական «Ակօս» պարբերականը, այս մասին հայտնել է Դերինքույուի նահանգապետ Միթհան Ջան Քութլուջան:

19-րդ դարի կեսերին կառուցված և նախկինում Թուրքիայի մշակույթի և զբոսաշրջության նախարարությանը պատկանող եկեղեցին զբոսաշրջիկների համար բացվում էր միայն նախարարության հատուկ թույլտվությամբ: Այն համարվում է Կապադովկիայի ամենամեծ եկեղեցին: Այստեղ տարվա ընթացքում մի քանի անգամ թույլատրված էր իրականացնել եկեղեցական արարողություններ:

http://armenpress.am/arm/news/705782/kapadovkiayi-hunakan-ekexecin-handznel-en-derinquyui.html