Թուրքիայի Խաղաղություն և ժողովրդավարություն կուսակցության (BDP) խորհրդարանական խմբակցության ղեկավար Իդրիս Բալուքենն ու նրա կուսակիցները խորհրդարան միջնորդագիր են ներկայացրել՝ պահանջելով հետաքննություն սկսել Դինքի սպանության վերաբերյալ։
Ինչպես տեղեկացնում է «Ակօս»-ը, կուսակցությունը նշել է, որ Դինքի սպանության հարցում պաշտոնյաների թույլ տված անփութության և սպանության կանխամտածված իրագործման հարցում որևէ հանրային ծառայողի հանդեպ հետաքննություն չի իրականացվել։
«Սպանությանը հաջորդած դատավարության ընթացքը, գաղափարական խտրականությունը ժողովրդի հոգում խոր վերք է բացել»,-ասված է խորհրդարանին ներկայացված փաստաթղթում։
Միջնորդագրում նշվում է, որ արդարությունը պետք է վերականգնվի, պետք է հաղթահարվեն դատական համակարգում եղած խնդիրները, և բացահայտվեն սպանության խորը կապերը։
Leave a Reply