Թուրքերն աղի հանքերի քարանձավներում քայլելով` խորանում են Հայաստանի տարածք մինչև 150 մ

Իգդիրի Թուզլուջա բնակավայրում առկա աղի հանքերի քարանձավները ձգվում են նաև Հայաստանի տարածքով:

Շուրջ 1000 տարի պատմական Հայաստանում կերակրի աղ են արտահանել Արաքսի արևմտյան ափին գտնվող աղի հանքերի քարանձավներից, որոնք այժմ կարող են պարզապես հետաքրքրություն ներկայացնել զբոսաշրջության և շնչառական խնդիրներ ունեցող հիվանդների համար: Թուրքիայի Իգդիր քաղաքից 40 կմ հեռավորության վրա գտնվող Թուզլուջա բնակավայրի ղեկավարները մարզային իշխանություններին առաջարկ են ներկայացրել` կերակրի աղ արդյունահանելու  նպատակով կրկին գործարկել աղի հանքերը:

Միաժամանակ բնակավայրի բնակիչները ցանկանում են աղի քարաձավներում կազմակերպել շնչառական խնդիրներ ունեցող հիվանդների համար շրջայց քարանձավներում: Սակայն հարցի հումորային կողմն այն է, որ քարանձավները խորանում են Հայաստանի տարածք մինչև 150 մ:

Փաստորեն, թուրքերը քարանձավների անցումներով պարբերաբար «խախտում են» Հայաստանի սահմանները: Թուզլուջա բնակավայրի համայքի ղեկավարը տեղական հեռուստատեսությամբ հայտարարել է, որ եթե հայերն էլ որոշեն հակառակ կողմից աղ արդյունահանել և բացել քարանձավների մուտքը, ապա hայ-թուրքական սահմանը կբացվի արդեն Արաքս գետի հունի տակ, գետնի մակերեսից մի քանի կիլոմետր խորության վրա:

http://www.armweeklynews.am/awn/m13/m_0053.htm