Թուրքական համալսարանում պետության դրոշն անարգել են

Թուրքիայի Օրդու համալսարանում անարգել են թուրքական դրոշը: Համալսարանի գյուղատնտեսական ֆակուլտետի մասնաշենքի մուտքի մոտ վերանորոգման համար բերված ցեմենտի պարկերն անձրեւից պաշտպանելու համար ծածկել են Թուրքիայի պետական դրոշով: Այդ տեսարանը պատկերող լուսանկարը հայտնվել է համացանցում, ինչը սոցիալական մամուլում մեծ հակազդեցության է արժանացել: Այս մասին, ինչպես հաղորդում է «Արմենպրես»–ը, հայտնում է HaberTurk հեռուստաալիքի լրատվական կայքը:

Լուսանկարի հայտնվելուց հետո Թուրքիայի հանրապետական դատախազությունը հարցի հետ կապված հետաքննություն է սկսել: Օրդուի համալսարանի ռեկտորատը երեւույթի առնչությամբ իր պաշտոնական կայքում արդարացել է, թե «լուսանկարում երեւացող թուրքական դրոշն անուշադրությամբ հայտնվել է ցեմենտի պարկերի վրա համալսարանի մասնաշենքի շինարարությունն իրագործող ընկերության բանվորների կողմից»:

http://armenpress.am/arm/news/705439/turqakan-hamalsaranum-petutyan–droshn-anargel-en.html