Փարիզում սպանված քուրդ կանանց մարմինները Դիարբեքիրում դիմավորել են հազարավոր քրդեր

Քրդական աշխատավորական կուսակցության (PKK)՝ Ֆրանսիայում սպանված 3 հայտնի կանանց մարմինները տեղափոխվել են Թուրքիա։
Ինչպես տեղեկացնում է թուրքական «Ռադիկալ»-ը, ինքնաթիռի վայրէջքից ժամեր առաջ Դիարբեքիրի օդանավակայանի մոտ հազարավոր քրդեր են հավաքվել՝ հարգելու սպանված PKK-ականների հիշատակը։

Երբ ինքնաթիռը սկսել է իջնել, նրանք հաղթանակի նշան են պարզել և կարգախոսներ վանկարկել։

«Նահատակներն անմահ են» վանկարկել են քրդերը և ծաղիկներ նետել քուրդ ղեկավարների դիերը տեղափոխող մեքենաների վրա։

Հիշեցնենք, որ 3 քուրդ կանայք, որոնցից մեկը եղել է PKK-ի հիմնադիրներից մեկը, սպանվել էին Փարիզում։
 

http://tert.am/am/news/2013/01/17/pkk-diarbekir/