Թուրքիայում հատուկ գործողության ընթացքում սպանվել է PKK առաջնորդներից մեկը

Թուրքիայում սպանվել է Քրդական աշխատավորական կուսակցության (PKK) ղեկավարներից Մեհմեթ Շիրին Ջեբեն, տեղեկացնում է «Անադոլու» գործակալությունը։

Նա սպանվել է Մարդինի մարզում տեղի ունեցած հակաահաբեկչական գործողության ընթացքում։

Նշվում է, որ անվտանգության ուժերը շրջափակել են նրա տունը, սակայն նա զինված դիմադրություն է ցուցաբերել։

Անվտանգության ուժերի որևէ ներկայացուցիչ չի տուժել։

Այն տնից, որտեղ թաքնվել է քուրդ զինյալը, առգրավվել է Կալաշնիկով ավտոմատ, մի քանի տասնյակ փամփուշտներ, ձեռքի նռնակ և դյուրակիր համակարգիչ։

http://tert.am/am/news/2013/01/14/pkk-shirin/