Ստամբուլում ռումբ են նետել թերթի հրատարակչատան վրա

Ստամբուլի Բաղչըլար թաղամասում անհայտ անձը ձայնային ռումբ է նետել փոքրամասնությունների նկատմամբ ատելություն սերմանող սկանդալային թուրքական «Ենի Աքիթ» թերթի հրատարակչության շենքի վրա:

Ինչպես հաղորդում է «Արմենպրես»-ը` վկայակոչելով թուրքական «Միլիեթ» թերթը, թերթի հրատարակչությունում ռումբը պայթել է հունվարի 11-ի ուշ երեկոյան: Չնայած պայթյունը ոչ մեծ գույքային վնաս է հասցրել, սակայն այն վախեցրել է շրջակա շենքերի բնակիչներին, ովքեր սարսափած դուրս են նետվել բնակարաններից: Ստամբուլի ոստիկանությունը փորձում է հրատարակչության տեսախցիկների միջոցով բացահայտել ռումբը տեղադրած եւ պայթեցրած անձին:

Հիշյալ պարբերականը հայտնի է հակահայկական եւ այլ թեմաներով թուրքական հասարակության մեջ ատելություն եւ թշնամանք սերմանող հրապարակումներով:

http://armenpress.am/arm/news/704841/stambulum-rumb-en-netel-terti-hratarakchatan-vra.html