Թուրքիան բոլոր պայմանները կապահովի, որպեսզի Քրդական աշխատավորական կուսակցության (PKK) զինյալները հանձնեն զենքերն ու լքեն երկրի տարածքը։
Ինչպես տեղեկացնում է «Հուրրիյեթ»-ը, այդ մասին հայտարարել է երկրի վարչապետ Ռեջեփ Թայիփ Էրդողանը։
Նրա խոսքով՝ ավելի վաղ եղել են դեպքեր, երբ PKK զինյալները փորձել են լքել երկիրը, սակայն հարձակման են ենթարկվել բանակի կողմից։ Այս անգամ Թւորքիան երաշխավորում է նրանց ապահով ելքը երկրից։
«Նրանք շատ լուրջ գին են վճարում։ Այդ գինը վճարելուց ազատվելու են։ Հիմա նրանց կյանքը լեռներում նորմա՞լ է։ Այդպես ապրել հնարավո՞ր է։ Այժմ հնարավորություն ենք տալիս այդ կյանքից ազատվելով` նորմալ կյանք սկսել»,-ասել է Էրդողանը։
Նա նշել է, որ այս որոշումն անցողիկ է ոչ միայն Թուրքիայի, այլև դրա սահմաններից դուրս գործող քրդական ճամբարների, մասնավորապես՝ Քանդիլի և Մահմուրի համար։
Leave a Reply