Փարիզի մէջ երեք քիւրտգործիչներ կը սպաննուին

ՓԱՐԻԶ, «Ա.Էֆ.Փէ.».- Հինգշաբթի` յունուար 10ին, ֆրանսական ոստիկանութիւնը արեւելեան Փարիզի քրտական կեդրոնի մը գրասենեակին մէջ յայտնաբերեց երեք քիւրտ գործիչներու դիակները: Ոճրագործները կրցած են փախուստ տալ:

Գործիչներու շարքին են Քիւրտիստանի բանուորական կուսակցութեան հիմնադիրներէն Սաքինէ Ճանսըզ եւ Պրիւքսէլի մէջ հաստատուած Քրտական ազգային քոնկրեսի ներկայացուցիչ Ֆիտան Տողան: Երրորդ զոհն էր Լէյլա Սէօյլէմէզը:

Ֆրանսայի ներքին գործոց նախարար Մանուէլ Վալս դէպքին վայրը այցելելով՝ սպանութիւնը «անհանդուրժելի ահաբեկում» որակեց` խոստանալով բացայայտել պատասխանատուները:

Ոճիրի բացայայտումէն անմիջապէս ետք տեղւոյն քիւրտ բնակչութենէն ներկայացուցիչներ բողոքի ցոյց մը կատարեցին գրասենեակին առջեւ՝ պահանջելով խստօէն պատժել ոճրագործները:

http://asbarez.com/arm/150994/